الشعراء

نبی کا غم 1–6

Ayah 1

طٰسٓمٓ

Ayah 2

یہ کتاب روشن کی آیتیں ہیں

Ayah 3

(اے پیغمبرﷺ) شاید تم اس (رنج) سے کہ یہ لوگ ایمان نہیں لاتے اپنے تئیں ہلاک کردو گے

Ayah 4

اگر ہم چاہیں تو ان پر آسمان سے نشانی اُتار دیں۔ پھر ان کی گردنیں اس کے آگے جھک جائیں

Ayah 5

اور ان کے پاس (خدائے) رحمٰن کی طرف سے کوئی نصیحت نہیں آتی مگر یہ اس سے منہ پھیر لیتے ہیں

Ayah 6

سو یہ تو جھٹلا چکے اب ان کو اس چیز کی حقیقت معلوم ہوگی جس کی ہنسی اُڑاتے تھے

پودوں میں نشانیاں 7–9

Ayah 7

کیا انہوں نے زمین کی طرف نہیں دیکھا کہ ہم نے اس میں ہر قسم کی کتنی نفیس چیزیں اُگائی ہیں

Ayah 8

کچھ شک نہیں کہ اس میں (قدرت خدا کی) نشانی ہے مگر یہ اکثر ایمان لانے والے نہیں ہیں

Ayah 9

اور تمہارا پروردگار غالب (اور) مہربان ہے

موسیٰ فرعون کی طرف 10–17

Ayah 10

اور جب تمہارے پروردگار نے موسیٰ کو پکارا کہ ظالم لوگوں کے پاس جاؤ

Ayah 11

(یعنی) قوم فرعون کے پاس، کیا یہ ڈرتے نہیں

Ayah 12

انہوں نے کہا کہ میرے پروردگار میں ڈرتا ہوں کہ یہ مجھے جھوٹا سمجھیں

Ayah 13

اور میرا دل تنگ ہوتا ہے اور میری زبان رکتی ہے تو ہارون کو حکم بھیج کہ میرے ساتھ چلیں

Ayah 14

اور ان لوگوں کا مجھ پر ایک گناہ (یعنی قبطی کے خون کا دعویٰ) بھی ہے سو مجھے یہ بھی خوف ہے کہ مجھ کو مار ہی ڈالیں

Ayah 15

فرمایا ہرگز نہیں۔ تم دونوں ہماری نشانیاں لے کر جاؤ ہم تمہارے ساتھ سننے والے ہیں

Ayah 16

تو دونوں فرعون کے پاس جاؤ اور کہو کہ ہم تمام جہان کے مالک کے بھیجے ہوئے ہیں

Ayah 17

(اور اس لئے آئے ہیں) کہ آپ بنی اسرائیل کو ہمارے ساتھ جانے کی اجازت دیں

فرعون کا احسان جتانا 18–22

Ayah 18

(فرعون نے موسیٰ سے کہا) کیا ہم نے تم کو کہ ابھی بچّے تھے پرورش نہیں کیا اور تم نے برسوں ہمارے ہاں عمر بسر (نہیں) کی

Ayah 19

اور تم نے وہ کام کیا تھا جو کیا اور تم ناشکرے معلوم ہوتے ہو

Ayah 20

(موسیٰ نے) کہاں (ہاں) وہ حرکت مجھ سے ناگہاں سرزد ہوئی تھی اور میں خطا کاروں میں تھا

Ayah 21

تو جب مجھے تم سے ڈر لگا تو تم میں سے بھاگ گیا۔ پھر خدا نے مجھ کو نبوت وعلم بخشا اور مجھے پیغمبروں میں سے کیا

Ayah 22

اور (کیا) یہی احسان ہے جو آپ مجھ پر رکھتے ہیں کہ آپ نے بنی اسرائیل کو غلام بنا رکھا ہے

موسیٰ اور فرعون کا رب کے بارے میں مکالمہ 23–29

Ayah 23

فرعون نے کہا کہ تمام جہان مالک کیا

Ayah 24

کہا کہ آسمانوں اور زمین اور جو کچھ ان دونوں میں ہے سب کا مالک۔ بشرطیکہ تم لوگوں کو یقین ہو

Ayah 25

فرعون نے اپنے اہالی موالی سے کہا کہ کیا تم سنتے نہیں

Ayah 26

(موسیٰ نے) کہا کہ تمہارا اور تمہارے پہلے باپ دادا کا مالک

Ayah 27

(فرعون نے) کہا کہ (یہ) پیغمبر جو تمہاری طرف بھیجا گیا ہے باؤلا ہے

Ayah 28

موسیٰ نے کہا کہ مشرق اور مغرب اور جو کچھ ان دونوں میں ہے سب کا مالک، بشرطیکہ تم کو سمجھ ہو

Ayah 29

(فرعون نے) کہا کہ اگر تم نے میرے سوا کسی اور کو معبود بنایا تو میں تمہیں قید کردوں گا

عصا اور ید بیضا 30–37

Ayah 30

(موسیٰ نے) کہا خواہ میں آپ کے پاس روشن چیز لاؤں (یعنی معجزہ)

Ayah 31

فرعون نے کہا اگر سچے ہو تو اسے لاؤ (دکھاؤ)

Ayah 32

پس انہوں نے اپنی لاٹھی ڈالی تو وہ اسی وقت صریح اژدہا بن گئی

Ayah 33

اور اپنا ہاتھ نکالا تو اسی دم دیکھنے والوں کے لئے سفید (براق نظر آنے لگا)

Ayah 34

فرعون نے اپنے گرد کے سرداروں سے کہا کہ یہ تو کامل فن جادوگر ہے

Ayah 35

چاہتا ہے کہ تم کو اپنے جادو (کے زور) سے تمہارے ملک سے نکال دے تو تمہاری کیا رائے ہے؟

Ayah 36

انہوں نے کہا کہ اسے اور اس کے بھائی (کے بارے) میں کچھ توقف کیجیئے اور شہروں میں ہرکارے بھیج دیجیئے

Ayah 37

کہ سب ماہر جادوگروں کو (جمع کرکے) آپ کے پاس لے آئیں

جادوگروں کا انعام کا مطالبہ 38–42

Ayah 38

تو جادوگر ایک مقررہ دن کی میعاد پر جمع ہوگئے

Ayah 39

اور لوگوں سے کہہ دیا گیا کہ تم (سب) کو اکھٹے ہو کر جانا چاہیئے

Ayah 40

تاکہ اگر جادوگر غالب رہیں تو ہم ان کے پیرو ہوجائیں

Ayah 41

جب جادوگر آگئے تو فرعون سے کہنے لگے اگر ہم غالب رہے تو ہمیں صلہ بھی عطا ہوگا؟

Ayah 42

فرعون نے کہا ہاں اور تم مقربوں میں بھی داخل کرلئے جاؤ گے

جادوگر ایمان لے آئے 43–48

Ayah 43

موسیٰ نے ان سے کہا کہ جو چیز ڈالنی چاہتے ہو، ڈالو

Ayah 44

تو انہوں نے اپنی رسیاں اور لاٹھیاں ڈالیں اور کہنے لگے کہ فرعون کے اقبال کی قسم ہم ضرور غالب رہیں گے

Ayah 45

پھر موسیٰ نے اپنی لاٹھی ڈالی تو وہ ان چیزوں کو جو جادوگروں نے بنائی تھیں یکایک نگلنے لگی

Ayah 46

تب جادوگر سجدے میں گر پڑے

Ayah 47

(اور) کہنے لگے کہ ہم تمام جہان کے مالک پر ایمان لے آئے

Ayah 48

جو موسیٰ اور ہارون کا مالک ہے

فرعون کی دھمکی 49–51

Ayah 49

فرعون نے کہا کیا اس سے پہلے کہ میں تم کو اجازت دوں تم اس پر ایمان لے آئے، بےشک یہ تمہارا بڑا ہے جس نے تم کو جادو سکھایا ہے۔ سو عنقریب تم (اس کا انجام) معلوم کرلو گے کہ میں تمہارے ہاتھ اور پاؤں اطراف مخالف سے کٹوا دوں گا اور تم سب کو سولی پر چڑھوا دوں گا

Ayah 50

انہوں نے کہا کہ کچھ نقصان (کی بات) نہیں ہم اپنے پروردگار کی طرف لوٹ جانے والے ہیں

Ayah 51

ہمیں امید ہے کہ ہمارا پروردگار ہمارے گناہ بخش دے گا۔ اس لئے کہ ہم اول ایمان لانے والوں میں ہیں

فرعون کا تعاقب 52–59

Ayah 52

اور ہم نے موسیٰ کی طرف وحی بھیجی کہ ہمارے بندوں کو رات کو لے نکلو کہ (فرعونیوں کی طرف سے) تمہارا تعاقب کیا جائے گا

Ayah 53

تو فرعون نے شہروں میں نقیب راونہ کئے

Ayah 54

(اور کہا) کہ یہ لوگ تھوڑی سی جماعت ہے

Ayah 55

اور یہ ہمیں غصہ دلا رہے ہیں

Ayah 56

اور ہم سب باسازو سامان ہیں

Ayah 57

تو ہم نے ان کو باغوں اور چشموں سے نکال دیا

Ayah 58

اور خزانوں اور نفیس مکانات سے

Ayah 59

(ان کے ساتھ ہم نے) اس طرح (کیا) اور ان چیزوں کا وارث بنی اسرائیل کو کر دیا

سمندر میں راستہ 60–68

Ayah 60

تو انہوں نے سورج نکلتے (یعنی صبح کو) ان کا تعاقب کیا

Ayah 61

جب دونوں جماعتیں آمنے سامنے ہوئیں تو موسیٰ کے ساتھی کہنے لگے کہ ہم تو پکڑ لئے گئے

Ayah 62

موسیٰ نے کہا ہرگز نہیں میرا پروردگار میرے ساتھ ہے وہ مجھے رستہ بتائے گا

Ayah 63

اس وقت ہم نے موسیٰ کی طرف وحی بھیجی کہ اپنی لاٹھی دریا پر مارو۔ تو دریا پھٹ گیا۔ اور ہر ایک ٹکڑا (یوں) ہوگیا (کہ) گویا بڑا پہاڑ (ہے)

Ayah 64

اور دوسروں کو وہاں ہم نے قریب کردیا

Ayah 65

اور موسیٰ اور ان کے ساتھ والوں کو تو بچا لیا

Ayah 66

پھر دوسروں کو ڈبو دیا

Ayah 67

بےشک اس (قصے) میں نشانی ہے۔ لیکن یہ اکثر ایمان لانے والے نہیں

Ayah 68

اور تمہارا پروردگار تو غالب (اور) مہربان ہے

ابراہیم اور قوم کے بت 69–74

Ayah 69

اور ان کو ابراہیم کا حال پڑھ کر سنا دو

Ayah 70

جب انہوں نے اپنے باپ اور اپنی قوم کے لوگوں سے کہا کہ تم کس چیز کو پوجتے ہو

Ayah 71

وہ کہنے لگے کہ ہم بتوں کو پوجتے ہیں اور ان کی پوجا پر قائم ہیں

Ayah 72

ابراہیم نے کہا کہ جب تم ان کو پکارتے ہو تو کیا وہ تمہاری آواز کو سنتے ہیں؟

Ayah 73

یا تمہیں کچھ فائدے دے سکتے یا نقصان پہنچا سکتے ہیں؟

Ayah 74

انہوں نے کہا (نہیں) بلکہ ہم نے اپنے باپ دادا کو اسی طرح کرتے دیکھا ہے

ابراہیم کا اپنے رب کا تعارف 75–82

Ayah 75

ابراہیم نے کہا کیا تم نے دیکھا کہ جن کو تم پوجتے رہے ہو

Ayah 76

تم بھی اور تمہارے اگلے باپ دادا بھی

Ayah 77

وہ میرے دشمن ہیں۔ مگر خدائے رب العالمین (میرا دوست ہے)

Ayah 78

جس نے مجھے پیدا کیا ہے اور وہی مجھے رستہ دکھاتا ہے

Ayah 79

اور وہ جو مجھے کھلاتا اور پلاتا ہے

Ayah 80

اور جب میں بیمار پڑتا ہوں تو مجھے شفا بخشتا ہے

Ayah 81

اور جو مجھے مارے گا اور پھر زندہ کرے گا

Ayah 82

اور وہ جس سے میں امید رکھتا ہوں کہ قیامت کے دن میرے گناہ بخشے گا

ابراہیم کی دعا 83–89

Ayah 83

اے پروردگار مجھے علم ودانش عطا فرما اور نیکوکاروں میں شامل کر

Ayah 84

اور پچھلے لوگوں میں میرا ذکر نیک (جاری) کر

Ayah 85

اور مجھے نعمت کی بہشت کے وارثوں میں کر

Ayah 86

اور میرے باپ کو بخش دے کہ وہ گمراہوں میں سے ہے

Ayah 87

اور جس دن لوگ اٹھا کھڑے کئے جائیں گے مجھے رسوا نہ کیجیو

Ayah 88

جس دن نہ مال ہی کچھ فائدہ دے سکا گا اور نہ بیٹے

Ayah 89

ہاں جو شخص خدا کے پاس پاک دل لے کر آیا (وہ بچ جائے گا)

قیامت کے مناظر 90–95

Ayah 90

اور بہشت پرہیزگاروں کے قریب کردی جائے گی

Ayah 91

اور دوزخ گمراہوں کے سامنے لائی جائے گی

Ayah 92

اور ان سے کہا جائے گا کہ جن کو تم پوجتے تھے وہ کہاں ہیں؟

Ayah 93

یعنی جن کو خدا کے سوا (پوجتے تھے) کیا وہ تمہاری مدد کرسکتے ہیں یا خود بدلہ لے سکتے ہیں

Ayah 94

تو وہ اور گمراہ (یعنی بت اور بت پرست) اوندھے منہ دوزخ میں ڈال دیئے جائیں گے

Ayah 95

اور شیطان کے لشکر سب کے سب (داخل جہنم ہوں گے)

جہنم میں پچھتاوا 96–104

Ayah 96

وہ آپس میں جھگڑیں گے اور کہیں گے

Ayah 97

کہ خدا کی قسم ہم تو صریح گمراہی میں تھے

Ayah 98

جب کہ تمہیں (خدائے) رب العالمین کے برابر ٹھہراتے تھے

Ayah 99

اور ہم کو ان گنہگاروں ہی نے گمراہ کیا تھا

Ayah 100

تو (آج) نہ کوئی ہمارا سفارش کرنے والا ہے

Ayah 101

اور نہ گرم جوش دوست

Ayah 102

کاش ہمیں (دنیا میں) پھر جانا ہو تم ہم مومنوں میں ہوجائیں

Ayah 103

بےشک اس میں نشانی ہے اور ان میں اکثر ایمان لانے والے نہیں

Ayah 104

اور تمہارا پروردگار تو غالب اور مہربان ہے

نوح کی دعوت 105–110

Ayah 105

قوم نوح نے بھی پیغمبروں کو جھٹلایا

Ayah 106

جب ان سے ان کے بھائی نوح نے کہا کہ تم ڈرتے کیوں نہیں

Ayah 107

میں تو تمہارا امانت دار ہوں

Ayah 108

تو خدا سے ڈرو اور میرا کہا مانو

Ayah 109

اور اس کام کا تم سے کچھ صلہ نہیں مانگتا۔ میرا صلہ تو خدائے رب العالمین ہی پر ہے

Ayah 110

تو خدا سے ڈرو اور میرے کہنے پر چلو

نوح کے غریب پیروکار 111–116

Ayah 111

وہ بولے کہ کیا ہم تم کو مان لیں اور تمہارے پیرو تو رذیل لوگ ہوتے ہیں

Ayah 112

نوح نے کہا کہ مجھے کیا معلوم کہ وہ کیا کرتے ہیں

Ayah 113

ان کا حساب (اعمال) میرے پروردگار کے ذمے ہے کاش تم سمجھو

Ayah 114

اور میں مومنوں کو نکال دینے والا نہیں ہوں

Ayah 115

میں تو صرف کھول کھول کر نصیحت کرنے والا ہوں

Ayah 116

انہوں نے کہا کہ نوح اگر تم باز نہ آؤ گے تو سنگسار کردیئے جاؤ گے

نوح کی نجات اور طوفان 117–122

Ayah 117

نوح نے کہا کہ پروردگار میری قوم نے تو مجھے جھٹلا دیا

Ayah 118

سو تو میرے اور ان کے درمیان ایک کھلا فیصلہ کردے اور مجھے اور جو میرے ساتھ ہیں ان کو بچا لے

Ayah 119

پس ہم نے ان کو اور جو ان کے ساتھ کشتی میں سوار تھے، ان کو بچا لیا

Ayah 120

پھر اس کے بعد باقی لوگوں کو ڈبو دیا

Ayah 121

بےشک اس میں نشانی ہے اور ان میں اکثر ایمان لانے والے نہیں تھے

Ayah 122

اور تمہارا پروردگار تو غالب (اور) مہربان ہے

ہود اور قوم عاد 123–127

Ayah 123

عاد نے بھی پیغمبروں کو جھٹلایا

Ayah 124

جب ان سے ان کے بھائی ہود نے کہا کیا تم ڈرتے نہیں

Ayah 125

میں تو تمہارا امانت دار پیغمبر ہوں

Ayah 126

تو خدا سے ڈرو اور میرا کہا مانو

Ayah 127

اور میں اس کا تم سے کچھ بدلہ نہیں مانگتا۔ میرا بدلہ (خدائے) رب العالمین کے ذمے ہے

عاد کے محل اور ظلم 128–135

Ayah 128

بھلا تم ہر اونچی جگہ پر نشان تعمیر کرتے ہو

Ayah 129

اور محل بناتے ہو شاید تم ہمیشہ رہو گے

Ayah 130

اور جب (کسی کو) پکڑتے ہو تو ظالمانہ پکڑتے ہو

Ayah 131

تو خدا سے ڈرو اور میری اطاعت کرو

Ayah 132

اور اس سے جس نے تم کو ان چیزوں سے مدد دی جن کو تم جانتے ہو۔ ڈرو

Ayah 133

اس نے تمہیں چارپایوں اور بیٹوں سے مدد دی

Ayah 134

اور باغوں اور چشموں سے

Ayah 135

مجھ کو تمہارے بارے میں بڑے (سخت) دن کے عذاب کا خوف ہے

عاد کی ہلاکت 136–140

Ayah 136

وہ کہنے لگے کہ ہمیں خواہ نصیحت کرو یا نہ کرو ہمارے لئے یکساں ہے

Ayah 137

یہ تو اگلوں ہی کے طریق ہیں

Ayah 138

اور ہم پر کوئی عذاب نہیں آئے گا

Ayah 139

تو انہوں نے ہود کو جھٹلایا تو ہم نے ان کو ہلاک کر ڈالا۔ بےشک اس میں نشانی ہے۔ اور ان میں اکثر ایمان لانے والے نہیں تھے

Ayah 140

اور تمہارا پروردگار تو غالب اور مہربان ہے

صالح اور قوم ثمود 141–145

Ayah 141

(اور) قوم ثمود نے بھی پیغمبروں کو جھٹلا دیا

Ayah 142

جب ان سے ان کے بھائی صالح نے کہا کہ تم ڈرتے کیوں نہیں؟

Ayah 143

میں تو تمہارا امانت دار ہوں

Ayah 144

تو خدا سے ڈرو اور میرا کہا مانو

Ayah 145

اور میں اس کا تم سے بدلہ نہیں مانگتا۔ میرا بدلہ (خدا) رب العالمین کے ذمے ہے

ثمود کی خوشحالی اور غفلت 146–152

Ayah 146

کیا وہ چیزیں (تمہیں یہاں میسر) ہیں ان میں تم بےخوف چھوڑ دیئے جاؤ گے

Ayah 147

(یعنی) باغ اور چشمے

Ayah 148

اور کھیتیاں اور کھجوریں جن کے خوشے لطیف ونازک ہوتے ہیں

Ayah 149

اور تکلف سے پہاڑوں میں تراش خراش کر گھر بناتے ہو

Ayah 150

تو خدا سے ڈرو اور میرے کہنے پر چلو

Ayah 151

اور حد سے تجاوز کرنے والوں کی بات نہ مانو

Ayah 152

جو ملک میں فساد کرتے ہیں اور اصلاح نہیں کرتے

ثمود اور اونٹنی 153–159

Ayah 153

وہ کہنے لگے کہ تم تو جادو زدہ ہو

Ayah 154

تم اور کچھ نہیں ہماری طرح آدمی ہو۔ اگر سچے ہو تو کوئی نشانی پیش کرو

Ayah 155

صالح نے کہا (دیکھو) یہ اونٹنی ہے (ایک دن) اس کی پانی پینے کی باری ہے اور ایک معین روز تمہاری باری

Ayah 156

اور اس کو کوئی تکلیف نہ دینا (نہیں تو) تم کو سخت عذاب آ پکڑے گا

Ayah 157

تو انہوں نے اس کی کونچیں کاٹ ڈالیں پھر نادم ہوئے

Ayah 158

سو ان کو عذاب نے آن پکڑا۔ بےشک اس میں نشانی ہے۔ اور ان میں اکثر ایمان لانے والے نہیں تھے

Ayah 159

اور تمہارا پروردگار تو غالب (اور) مہربان ہے

لوط کی دعوت 160–164