عبس

نبی اور نابینا شخص 1–4

Ayah 1

(محمد مصطفٰےﷺ) ترش رُو ہوئے اور منہ پھیر بیٹھے

Ayah 2

کہ ان کے پاس ایک نابینا آیا

Ayah 3

اور تم کو کیا خبر شاید وہ پاکیزگی حاصل کرتا

Ayah 4

یا سوچتا تو سمجھانا اسے فائدہ دیتا

نبی کو نرم تنبیہ 5–10

Ayah 5

جو پروا نہیں کرتا

Ayah 6

اس کی طرف تو تم توجہ کرتے ہو

Ayah 7

حالانکہ اگر وہ نہ سنورے تو تم پر کچھ (الزام) نہیں

Ayah 8

اور جو تمہارے پاس دوڑتا ہوا آیا

Ayah 9

اور (خدا سے) ڈرتا ہے

Ayah 10

اس سے تم بےرخی کرتے ہو

قرآن کا بلند مقام 11–16

Ayah 11

دیکھو یہ (قرآن) نصیحت ہے

Ayah 12

پس جو چاہے اسے یاد رکھے

Ayah 13

قابل ادب ورقوں میں (لکھا ہوا)

Ayah 14

جو بلند مقام پر رکھے ہوئے (اور) پاک ہیں

Ayah 15

لکھنے والوں کے ہاتھوں میں

Ayah 16

جو سردار اور نیکو کار ہیں

انسان کی اپنے رب سے ناشکری 17–23

Ayah 17

انسان ہلاک ہو جائے کیسا ناشکرا ہے

Ayah 18

اُسے (خدا نے) کس چیز سے بنایا؟

Ayah 19

نطفے سے بنایا پھر اس کا اندازہ مقرر کیا

Ayah 20

پھر اس کے لیے رستہ آسان کر دیا

Ayah 21

پھر اس کو موت دی پھر قبر میں دفن کرایا

Ayah 22

پھر جب چاہے گا اسے اٹھا کھڑا کرے گا

Ayah 23

کچھ شک نہیں کہ خدا نے اسے جو حکم دیا اس نے اس پر عمل نہ کیا

خوراک میں اللہ کی نعمت 24–32

Ayah 24

تو انسان کو چاہیئے کہ اپنے کھانے کی طرف نظر کرے

Ayah 25

بے شک ہم ہی نے پانی برسایا

Ayah 26

پھر ہم ہی نے زمین کو چیرا پھاڑا

Ayah 27

پھر ہم ہی نے اس میں اناج اگایا

Ayah 28

اور انگور اور ترکاری

Ayah 29

اور زیتون اور کھجوریں

Ayah 30

اور گھنے گھنے باغ

Ayah 31

اور میوے اور چارا

Ayah 32

(یہ سب کچھ) تمہارے اور تمہارے چارپایوں کے لیے بنایا

قیامت کے دن رشتوں کا ٹوٹنا 33–37

Ayah 33

تو جب (قیامت کا) غل مچے گا

Ayah 34

اس دن آدمی اپنے بھائی سے دور بھاگے گا

Ayah 35

اور اپنی ماں اور اپنے باپ سے

Ayah 36

اور اپنی بیوی اور اپنے بیٹے سے

Ayah 37

ہر شخص اس روز ایک فکر میں ہو گا جو اسے( مصروفیت کے لیے) بس کرے گا

نجات یافتہ اور تباہ حال 38–42

Ayah 38

اور کتنے منہ اس روز چمک رہے ہوں گے

Ayah 39

خنداں و شاداں (یہ مومنان نیکو کار ہیں)

Ayah 40

اور کتنے منہ ہوں گے جن پر گرد پڑ رہی ہو گی

Ayah 41

(اور) سیاہی چڑھ رہی ہو گی

Ayah 42

یہ کفار بدکردار ہیں