Ayah 1
نٓ۔ قلم کی اور جو (اہل قلم) لکھتے ہیں اس کی قسم
Ayah 2
کہ (اے محمدﷺ) تم اپنے پروردگار کے فضل سے دیوانے نہیں ہو
Ayah 3
اور تمہارے لئے بے انتہا اجر ہے
Ayah 4
اور اخلاق تمہارے بہت (عالی) ہیں
Ayah 5
سو عنقریب تم بھی دیکھ لو گے اور یہ (کافر) بھی دیکھ لیں گے
Ayah 6
کہ تم میں سے کون دیوانہ ہے
Ayah 7
تمہارا پروردگار اس کو بھی خوب جانتا ہے جو اس کے رستے سے بھٹک گیا اور ان کو بھی خوب جانتا ہے جو سیدھے راستے پر چل رہے ہیں
Ayah 8
تو تم جھٹلانے والوں کا کہا نہ ماننا
Ayah 9
یہ لوگ چاہتے ہیں کہ تم نرمی اختیار کرو تو یہ بھی نرم ہوجائیں
Ayah 10
اور کسی ایسے شخص کے کہے میں نہ آجانا جو بہت قسمیں کھانے والا ذلیل اوقات ہے
Ayah 11
طعن آمیز اشارتیں کرنے والا چغلیاں لئے پھرنے والا
Ayah 12
مال میں بخل کرنے والا حد سے بڑھا ہوا بدکار
Ayah 13
سخت خو اور اس کے علاوہ بدذات ہے