العلق

پہلی وحی 1–5

Ayah 1

(اے محمدﷺ) اپنے پروردگار کا نام لے کر پڑھو جس نے (عالم کو) پیدا کیا

Ayah 2

جس نے انسان کو خون کی پھٹکی سے بنایا

Ayah 3

پڑھو اور تمہارا پروردگار بڑا کریم ہے

Ayah 4

جس نے قلم کے ذریعے سے علم سکھایا

Ayah 5

اور انسان کو وہ باتیں سکھائیں جس کا اس کو علم نہ تھا

بے نیازی کا انسانی غرور 6–8

Ayah 6

مگر انسان سرکش ہو جاتا ہے

Ayah 7

جب کہ اپنے تیئں غنی دیکھتا ہے

Ayah 8

کچھ شک نہیں کہ (اس کو) تمہارے پروردگار ہی کی طرف لوٹ کر جانا ہے

بندے کو نماز سے روکنا 9–14

Ayah 9

بھلا تم نے اس شخص کو دیکھا جو منع کرتا ہے

Ayah 10

(یعنی) ایک بندے کو جب وہ نماز پڑھنے لگتا ہے

Ayah 11

بھلا دیکھو تو اگر یہ راہِ راست پر ہو

Ayah 12

یا پرہیز گاری کا حکم کرے (تو منع کرنا کیسا)

Ayah 13

اور دیکھو تو اگر اس نے دین حق کو جھٹلایا اور اس سے منہ موڑا (تو کیا ہوا)

Ayah 14

کیااس کو معلوم نہیں کہ خدا دیکھ رہا ہے

ظالم مخالف کو تنبیہ 15–19

Ayah 15

دیکھو اگر وہ باز نہ آئے گا تو ہم (اس کی) پیشانی کے بال پکڑ گھسیٹیں گے

Ayah 16

یعنی اس جھوٹے خطاکار کی پیشانی کے بال

Ayah 17

تو وہ اپنے یاروں کی مجلس کو بلالے

Ayah 18

ہم بھی اپنے موکلانِ دوزخ کو بلا لیں گے

Ayah 19

دیکھو اس کا کہا نہ ماننا اور قربِ (خدا) حاصل کرتے رہنا